Ku nshuro ya kabiri hategurwa igitaramo Fragrance of Worship gitegurwa n’umuramyi Fortrand Bigirimana afatanyije na Moriah Entertainment Group hatumiwe abahanzi bakomeye mu ndirimbo zo kuramya Imana : Maggie Blanchard, umuhanzu w’icyamamare muri Canada ndetse na Dena Mwana wo muri Repubulika Iharanira Demokarasi ya Congo.
Ku itariki ya 1 Nyakanga 2018 nibwo iki gitaramo kizaba. Kizabera muri muri Christian Life Assembly. Kwinjira bizaba ari amafaranga ibihumbi bitanu (5.000 FRW) n’ibihumbi icumi (10.000 FRW).
Dena Mwana na Maggie Blanchard bazafatanya na Fortrand Bigirimana utegura iki gitaramo na Serge Iyamuremye ndetse na Luc Buntu.
Muri iki gitaramo, Bigirimana Fortrand azamurika album ye ya gatatu ndetse na DVD y’amashusho ya Ntaco Nzaba.
Tariki 8 Kanama 2018 nibwo aba bahanzi bose bazerekeza mu Burundi gukorerayo naho igitaramo.
Tariki 16 Nyakanga 2017 nibwo habaye igitaramo cya mbere cya Fragrance of Worship. Icyo gihe Groupe Exo yo mu Bufaransa ni imwe mu bataramiye Abanyarwanda ku nshuro ya mbere.
Dena Mwana afite albums 2: HOSANNA yasohoye muri 2011 na MONENE yasohoye muri 2016. Muri 2013 yegukanye igihembo muri African Gospel Music Awards AGMA i Londres mu Bwongereza. Ni umugore wubatse. Yashakanye na ’Manager’ we. Kuri ubu bafitanye abana 3. Yamenyakanye cyane kubera indirimbo ze Nzambe Monene, Elombe nindi yise Emmanuel.
Maggie Blanchard yavukiye Port-au-Prince muri Haïti ariko aza kwimukira muri Canada ari naho aba ubu. Abantu bamukunze mu ndirimbo zinyuranye ariko cyane cyane iyitwa Libéré ari nayo yitiriye album ye ya mbere yasohoye muri 2011.
Yazengurutse mu bihugu byinshi : Mu Bufaransa, Côte d’Ivoire, Madagascar na Leta Zunze Ubumwe za Amerika.
