Korali Abakurikiye Yesu igiye kumurika album ya 8 mu gitaramo cyihariye

Korali Abakurikiye Yesu yo mu itorero ry’Abadivantisiti b’umunsi wa karindwi , itorero rya Kacyiru igiye kumurika album DVD ya 8 mu gitaramo cyihariye izafatanyamo n’amakorali anyuranye harimo n’izaturuka mu gihugu cya Uganda.

Abakurikiyeyesu ni korali ikorera mu itorero ry’Abadiventiste b’Umunsi wa karindwi ku Kacyiru ikaba yitegura gukora igitaramo cyo gushima Imana no gushyira ahagaragara ibihangano byabo aribyo DVD-Vol 8 na AUDIO-Vol 12 yitwa Reba ku Musaraba. Igitaramo cyo kumurika iyo album kizaba tariki ya 10 Ukuboza 2017 ku rusengero rwa Kacyiru hepfo y’Akarere ka Gasabo.

Muricyo gitaramo Abakurikiye Yesu bazafatanya n’amakorali nka Ambassadors of Christ, Ababimbuzi, Light family na Benaiah Singer’s yo muri Uganda

Ubuyobozi bwa Korali Abakurikiye Yesu batangaza ko icyo gitaramo kizab kirimo udushya twinshi bateguriye abakunzi babo ari nayo mpamvu babasaba kuzazinduka kuko bazatangira saa sita z’amanywa zuzuye. Kwinjira bizaba ari ubuntu kuri buri wese.

Ubuyobozi bwa Korali Abakurikiye Yesu bahamya ko igitaramo cyose kizakorwa mu buryo bwa ‘Live’ ndetse ngo kikazaba gitandukanye cyane n’ibindi bitaramo byose bakoze mbere.

Korali Abakurikiye Yesu imaze kugira Albums 7. Yashinzwe 1993. Ku munsi w’igitaramo nyirizina, DVD yabo izaba igura 2000 FRW.