Rayon Sports yatsinze Gasogi United 1-0 mu mukino abafana bagarutse kuri stade ndetse unarebwa na Minisitiri wa Siporo, Aurore Mimosa Munyangaju.
Ni umukino w’umunsi wa 15 wa shampiyona usoza ’phase aller’ wabaye kuri uyu wa Kane tariki 27 Mutarama 2022 kuri Stade ya Kigali i Nyamirambo guhera saa cyenda. Rayon Sports yatsindiwe na Mico Justin n’umutwe, ku mupira yari ahinduriwe na Nizigiyimana Kharim Mackenzie.
Rayon Sports yakinnye uyu mukino idafite Willy Onana, Blaise Nishimwe, Kevin Muhire na Hussein Habimana , bose bafite ibibazo by’imvune n’uburwayi butandukanye.
Gasogi United yo yakinnye uyu mukino idafite abatoza Guy Bukasa na Guy Bakira bahagaritswe n’umuyobozi wayo Kakoza Nkuriza Charles (KNC), mu gihe kitazwi.
Muri uyu mukino, Rayon Sports yavunkishije Muvandimwe JMV wakomeretse ku zuru ndetse yahise ajyanwa kwa muganga, arabagwa, akaba azamara ibyumweru bitatu adakina umupira. Undi wavunikiye muri uyu mukino ni Nsengiyumva Isaac.
Gutsinda uyu mukino byatumye Rayon Spports ifata umwanya wa 3 n’amanota 26 , inyuma ya Kiyovu Sports iyoboye urutonde n’amanota 29 na APR FC ifite 26. Zombi zifite umukino w’umunsi wa 15 kuri uyu wa gatanu, aho APR FC yakira Police FC naho Kiyovu Sports ikaba yasuye Marines FC i Rubavu.
Gasogi United yatojwe n’umutoza wa ’Fitness’ nyuma y’uko KNC ahagaritse Guy Bukasa na Guy Bakira basanzwe batoza iyi kipe igihe kitazwi
Lomami Marcel niwe usoje igice kibanza atoza Rayon Sports nyuma y’uko muri ’Phase retour’ hazaza umutoza mukuru
Abafana bari bishimiye kugaruka ku kibuga
Uhereye i bumoso hari Nizeyimana Olivier, Perezida wa FERWAFA, Munyangaju Aurore Mimosa, Minisitiri wa Siporo na Uwayezu Jean Fidele, Perezida wa Rayon Sports
Mimosa yarebye uyu mukino abafana bari bagarutse kuri Stade
Muhire Henry, umunyamabanga wa FERWAFA na we yarebye uyu mukino
Uwayezu François Regis wahoze ari umunyamabanga wa FERWAFA
Hadji Youssuf, umuyobozi wa Gorilla FC
Kayonga Stephen, Visi Perezida wa Gasogi United
Ndahiro Olivier, umubitsi wa Rayon Sports
Muvandimwe JMV yagiriye ikibazo muri uyu mukino, akomereka ku zuru, ajyanwa kwa muganga ndetse azamara ibyumweru bitatu adakina umupira
Muhire Kevin na Onana ntibakinnye uyu mukino kubera uburwayi butandukanye
Abafana ba Gasogi United bari babucyereye
Ingabire Marion, umwe mu bafana bakomeye ba Gasogi United ndetse umwaka ushize yaciye agahigo ko kuyiherekeza kuri buri mukino
Isaac Nsengiyumva na we yavunikiye muri uyu mukino
Mico watsinze igitego cyaheheje Rayon Sports amanota 3
Mbarushimana Shaban niwe watoje Gasogi United nyuma y’uko abatoza bayo bahagaritswe
Abafana bashimiye Mackenzie uko yitwaye kuri uyu mukino
PHOTO:RENZAHO Christophe
