Ikipe ya Gasogi United yatsinze Marine FC 1-0 mu mukino w’umunsi wa kabiri wa Shampiyona ihita yuzuza amanota 6 , itangira shampiyona iyoboye urutonde.
Ni umukino wabaye ku wa Gatanu tariki 23 Kanama 2024. Gasogi United yinjiye muri uyu mukino ifite ’morale’ yakuye mu gutsinda umukino ubanza Mukura VS 1-0. Hari mu mukino wabereye i Huye.
Igitego cya Gasogi United cyatsinzwe na Malipango Theodore kuri Penaliti yinjije ku munota wa 47 w’umukino.
Gasogi United yahise yuzuza amanota 6 bituma ihita iba iyoboye urutonde rwa Shampiyona by’agateganyo.
Uko imikino y’umunsi wa 2 yagenze/iteganyijwe :
Gasogi United 1-0 Marine
Rayon Sports 2-2 Amagaju FC
Mukura VS 0-0 Etincelles
Rutsiro 1-0 Vision
Ku cyumweru tariki 25 Kanama 2024
Muhazi United vs Gorilla
Ku wa mbere tariki 26 Kanama 2024
AS Kigali vs Musanze FC
APR FC vs Bugesera (tariki 25 Nzeri 2024)
Police vs Kiyovu (tariki 26 Nzeri 2024)
