Kuri iki cyumweru tariki 8 Werurwe 2026, Ikipe ya Rayon Sports yanganyije 1-1 na Etincelles mu mukino w’umunsi wa 23 wa shampiyona wabereye kuri Stade Umuganda.
Igice cya mbere cyarangiye amakipe yombinga anganya 0-0.
Yacouba Nimanga yatsindiye Etincelles FC ku munota wa 64 nyuma y’umupira mwiza wazamuwe na Niyonkuru Sadjati awinjiza mu rubuga rw’amahina maze Ramazani Nchimanga na Emery Bayisenge bakananirwa kuwukuraho.
Ku munota wa 69 umutoza wa Rayon Sports yakoze impinduka akuramo Ndikumana Asman, Mugisha Didie na Yanick Bangala yinjizamo Fall Ngagne, Kitoko Likao na Habimana Yves maze iyi kipe yongera imbaranga mu busatirizi.Ku munota wa 78 Rayon Sports yishyuye igitego gitsinzwe na Fall Ngagne nyuma y’ikosa bamukoreye bagatera kufura maze nawe ahita atera umupira ukomeye mu izamu.
Nyuma yo kunganya uyu mukino Rayon Sports yujuje imikino itatu inganya naho Etincelles FC yuzuza imikino itanu idatatsindwa.
Abagize Gikundiro Forever ubwo berekezaga i Rubavu gushyigikira Rayon Sports
Niyo fan Club yonyine itajya ibura imodoka iherekeza ikipe uko byaba bimeze kose
