Ubushabitsi (businesses) muri Africa bukoresha imbuga nkoranyambaga kurusha izindi kompanyi z’ahasigaye hose ku isi, nk’uko raporo nshya ibitangaza.
Hafi 75% bya kompanyi zo muri Africa zivuga ko zikoresha cyane imbuga nkoranyambaga nk’uburyo bwo kugera ku isoko ugereranyije na 52% ku yindi migabane yose hamwe.
Ni ibigaragazwa na raporo ya State of Social Media 2023 y’ikigo gikurikirana ibikorwa kuri internet kitwa Meltwater.
Lays Bammesberger wo muri iki kigo agira ati: “Muri ikigihe hari ubukungu bwifashe nabi, kompanyi nyinshi zirimo kugerageza ibishya mu ngengo y’imari yabyo ku kwamamaza.”
Iyi raporo y’iki kigo cyo muri Amerika yerekana ko kompanyi icyenda ku 10 byo muri Africa bikoresha Facebook, bikayigira urubuga nkoranyambaga rukoreshwa cyane n’ibigo by’ubushabitsi.
Mu gihe kumenyakanisha amazina yabyo ari icy’ibanze, hajuru ya 1/2 cya kompanyi zo ku isi zivuga ko ibihe bigoye by’ubukungu byatumye imbuga nkoranyambaga ziba ingenzi ku bigo byabo.
Imbuga eshanu ziruta izindi gukoresha muri Africa ni Facebook (88%), Instagram (76%), LinkedIn (74%), Twitter (67 %) na WhatsApp (58 %).
Mu bijyanye no gukura, ikoreshwa rya TikTok niryo ririmo kwaguka cyane muri Africa, aho hafi 1/2 cya kompanyi zo muri Africa ziteganya gukoresha uru rubuga mu 2023.
Gukoresha WhatsApp mu bushabitsi no kwamamaza muri Africa biri hejuru ho 35% y’uko byifashe ahandi hose ku isi.
Iyi raporo ishingiye ku ibazwa Meltwater yakoze ku bahanga 1,700 mu bijyanye na Marketing n’itumanaho muri Africa n’ahandi ku isi.
BBC
