Umubare w’abantu bakira indwara ya Covid-19 mu Rwanda ukomeje kuzamuka, abagera kuri 42 bamaze gukira mu bantu 127 banduye Coronavirus barimo 17 bakize mu masaha 24 basezererwa aho bari barwariye.
Imibare ya Minisiteri y’Ubuzima yo kuri uyu wa mbere tariki ya 13 Mata 2020, iragaragaza ko umuntu umwe mushya ari we wagaragaye ko yanduye Coronavirus, bituma umubare w’abanduye ugera ku abantu 127 (muri aba 42 bamaze gukira harimo 17 bakize mu masaha 24 ashize).
Uwo wabonetse ni uwahuye n’uwanduye Coronavirus mu Rwanda. Yaboenetse mu bipimo 901 byapimwe.
Coronavirus imaze gufata abagera kuri 1.918.679 imaze guhitana abasaga 119.212 naho 443.192 nibo bavuwe barayikira.
