Minisiteri y’Ubuzima mu Rwanda iratangaza ko kuri uyu wa Kane tariki 27 Werurwe 2020 mu Rwanda hagaragaye abandi bantu 4 barwaye Coronavirus. Ibi byatumye umubare w’abarwaye ugera kuri mirongo itanu (54).
Muri abo harimo umuntu umwe waturutse i Dubai wahise ashyirwa mu kato, umuntu umwe waje aturutse muri Amerika wahise ashyirwa mu kato ndetse n’abantu babiri batahuwe ko bahuye n’abandi barwaye Coronavirus mu Rwanda bahise bashyuirwa mu kato.
Gushakisha umuntu wahuye n’umwe mu bamaze kwandura Coronavirus mu Rwanda byatangiye tariki 14 Werurwe uyu mwaka, umunsi wa mbere u Rwanda rwatangaje ko umuntu wa mbere wanduye yagaragaye ku butaka bwarwo.
Ikipe y’abantu bari hagati ya 6 na 8 niyo ikurikirana abagize aho bahurira n’umurwayi umwe wa Coronavirus.
Kuva iki gikorwa cyatangira, abantu 1281 ni bo byagaragaye ko bahuye na bamwe mu barwayi ba Coronavirus.
Barimo 473 bo mu Karere ka Kicukiro, 406 bo muri Gasabo, 168 bo mu Karere ka Nyarugenge.
Hari kandi 142 bo mu Karere ka Bugesera, 20 bo muri Rwamagana, 15 b’i Musanze na ho 13 ni abo mu Karere ka Karongi.
