Umusaza w’i Kigali wari umaze imyaka 77 avutse yiyongereye ku bandi Banyarwanda basaga 298 bamaze guhitanwa n’icyorezo cya Covid-19 kimaze umwaka n’iminsi mike kigeze mu Rwanda.
Uyu musaza yari mu mubare w’abagera ku 21.210 kugeza ubu bamaze gutahurwaho ubwandu bwa koronavirusi imaze guhitana 298. Abanduye bashya nk’uko imibare iheruka ya Minisiteri y’Ubuzima ibigaragaza ni 104.
Ijanisha ku bandura ni 2,5% mu gihe abapfa mu barwayi bangana na 1,4%. Mu barwaye Covid-19 bari kwitabwaho n’inzego z’ubuvuzi harimo batanu barembye.
Mu mujyi wa Kigali handuye abantu 23 mu gihe uturere dufite abanduye barenze 10 ari Huye na Rwamagana.
Ejo hakingiwe abantu 260 i Kigali na ho i Musanze hakingirwa 13 byazamuye imibare y’abamaze guhabwa nibura doze imwe y’urukingo mu Rwanda bagera ku 348.926 kugeza ubwo twandika iyi nkuru.
Rubanda barasabwa gukomeza gushyira mu bikorwa amabwiriza yo kwirinda Covid-19 kabone n’ubwo baba barakingiwe ntihagire akandi abirara ngo ‘inkingo se ko zaje’!!!
KURIKIRA IBIGANIRO BYA RWANDA MAGAZINE KURI YOUTUBE
