Yaciye agahigo ko guterura ibirahure 46 mu kiganza kimwe

Mickäel Marchand w’imyaka 34 usanzwe akora muri hoteli yaciye agahigo ku isi ko guterura ibirahure 46 mu kiganza kimwe. Ni agahigo kazandikwa mu gitabo cy’abaciye uduhigo ku isi cya Guinness Book des records.

Aka gahigo, Mickäel Marchand yagaciye ku wa Gatanu tariki 27 Ukwakira 2017. Yateruye ibirahure 46 mu kiganza kimwe, abasha kugenda intambwe 2 , hanyuma abishyira hasi byose nta na kimwe kimenetse nkuko bitangazwa n’ikinyamakuru Vosges Matin. Vosges itangaza ko kugira ngo abashe kubigeraho, byamusabye kubigerageza inshuro 3.

Mickäel Marchand asanzwe ari umukozi wa Hotel yitwa Marcotullio iherereye mu gace ka Lorraine mu gihugu cy’Ubufaransa.

Agahigo kari gasanganywe umunya –Philippines wateruye ibirahure 39 muri 2007 i Barcelona muri Espagne.

Mickäel Marchand ateruye ibirahure 46

IZINDI NKURU
Ibitekerezo(0)
Tanga Igitekerezo