Coronavirus: Mu masaha 24, mu Butaliyani hapfuye 368, muri Espagne handura 2000 bashya

Ku mugabane w’i Burayi, igihugu cy’Ubutaliyani nicyo gikomeje gushegeshwa cyane n’icyorezo cya Coronavirus (COVID-19). Mu masaha 24 gusa hapfuye abagera kuri 368, naho mu gihugu cya Espagne abagera kuri 2000 bashya aba aribo bandura mu masaha 24 yashize.

Ku cyumweru tariki 15 Werurwe 2020 nibwo hatangajwe imibare mishya mu Butaliyani y’abapfuye. Abo 368 batumye umubare w’abo iki cyorezo kimaze guhitana muri iki gihugu ugera ku 1809.

Al Jazeera dukesha iyi nkuru itangaza ko ubu umubare w’abamaze kwandura Coronavirus mu Butariyani ugeze kuri 24.747 , mu gihe ku wa Gatandatu habarurwaga 21.157.

Ku isi yose, Guverinoma z’ibihugu ziri gushyiraho ingamba zo gukumira no kurinda ikwirakwira ry’iki cyorezo cya COVID-19 kimaze guhitana abagera kuri 5.800 mu gihe abagera kuri 153.000 aribo bamaze kucyandura ku isi yose nkuko bitangazwa n’Ishami ry’Umuryango w’abibimbye ryita ku buzima , OMS/ WHO.

Espagne nicyo gihugu cya kabiri cyo ku mugabane w’I Burayi cyugarijwe kuko mu masaha 24 yashize handuye abashya bagera kuri 2000 ndetse n’umubare w’abo kimaze guhitana muri icyo gihugu ukaba utazwi neza.

Iran yo yatangaje ko mu masaha 24 ashize icyo cyorezo cyahitanye abagera kuri 100, naho abamaze kucyandura bakaba ari 14.000. Leta ya Iran ivuga ko ikwirakwira kw’iki cyorezo mu gihugu cyabo ritizwa umurindi n’ibihano bafatiwe na Leta Zunze Ubumwe za Amerika.

Imibare mishya y’uko abantu bamaze kwandura muri Afurika yatangajwe n’Ishami ry’umuryango w’abibumbye ryita ku buzima , OMS kuri uyu wa mbere tariki 16 Werurwe 2020, igaragaza ko kimaze kwandurwa n’abagera kuri 327:

  • Algeria 48
  • South Africa 51
  • Senegal 24
  • Cameroon 3
  • Nigeria 2
  • Burkina Faso 7
  • Togo 1
  • DRC 3
  • Cote d’Ivoire 5
  • Ghana 2
  • Gabon 1
  • Kenya 3
  • Ethiopia 4
  • Guinea 1
  • Rwanda 5
  • Namibia 2
  • E Guinea 1
  • Seychelles 2
  • CAR 1
  • Congo 1
  • Mauritania 1
  • Eswatini 1
  • Liberia 1
  • Egypt 110
  • Morocco 28
  • Tunisia 18
  • Sudan 1
IZINDI NKURU
Ibitekerezo(1)
  • U. Sylvestre

    dukomeze kubahir it za nogukora ibyoreta idusaba rwose, iyindwara spread yayo iragabanuka

    - 17/03/2020 - 06:38
Tanga Igitekerezo