Kuri uyu wa kabiri tariki 14 Nzeli 2021 ikipe ya Rayon Sports yatangiye imyitozo yitegura saison 2021/2022.
Ni imyitozo yayobowe na Lomami Marcel, umutoza wungirije ndetse na Dusange Sacha (umuhungu wa Dusange Poku wakiniye Rayon Sports), umutoza wa kabiri wungirije. Masudi Djuma, umutoza mukuru Ari mu Burundi aho yagiye gushyingura se umubyara uheruka kwitaba Imana.
Ni imyitozo yitabiriwe n’abakinnyi basanzwe muri Rayon Sports bagifite amasezerano ndetse n’abashya bamaze gusinyira iyi kipe barimo Mugisha François bita Master wagarutse muri iyi kipe avuye muri Bugesera FC, Muvandimwe JMV wavuye muri Police FC, Mitima Isaac wavuye muri Sofapaka yo muri Kenya, Byumvuhore Trésor wavuye muri Gasogi United, Mushimiyimana Mohamed wavuye muri APR FC na Mico Justin wavuye muri Police FC.
Manace Mutatu na Kwizera Olivier nibobakinnyi basanganywe amasezerano batakoze imyitozo.
Hari ikindi cyiciro cy’abakinnyi bari mu igeragezwa ry’ibyumweru 2 barimo na Mackenzie Nizigiyimana wigeze kunyura muri Rayon Sports.
Imyitozo yatangiye Saa cyenda n’igice , itangizwa na Perezida wa Rayon Sports , Uwayezu Jean Fidele wabaye ikaze abqkinnyi bashya n’abatoza, abibutsa ko intego ya Rayon Sports ari igikombe.
Imyitozo yo kuri uyu wa kabiri kwari ukwiruka gusa. Umutoza Lomami yavuze ko bitari kuba byiza kwihutira kubakinisha uupira nyamara hari hashize igihe badakora imyitozo. Avuga ko mu myitozo izatangira uri uyu wa gatatu mu gitondo ariwo bazatangira gukora ku mupira buhoro buhoro.
Perezida wa Rayon Sports, Uwayezu Jean Fidele niwe watangije iyi myitozo
Lomami Marcel, umutoza wungirije niwe wayoboye iyi myitozo
Sacha, umutoza wa kabiri wungirije
Mackenzie ari mu bari mu igeragezwa ry’ibyumweru 2
Hagati hari Kamoso wakinaga muri AS Muhanga na we ari kugerageza amahirwe muri Rayon Sports
Ubanza i bumoso ni Byumvuhore Tresor bakunda kwita Wanyama wavuye muri Gasogi United
Uhereye i bumoso hari Mitima Isaac, Muvandimwe JMV na Mico Justin
Myugariro Mitima Isaac wanyuze muri Police FC . Ubu yari muri Sofapaka yo muri Kenya
Nishimwe Blaise aha ikaze rutahizamu Mantore Jean Pipi uvuye mu igeragezwa muri Yanga...Yakinnye muri Atretico y’i Burundi, Bukavu Dawa yatojwemo na Masudi n’ayandi...Na we ari mu bari mu igeragezwa
Bakoze imyitozo yo kwiruka n’indi inyuranye ariko hatarimo gukora ku mupira
Master yagarutse muri Rayon Sports yagiriyemo ibihe byiza birimo kugerana nayo muri kimwe cya kane cya CAF Confederation cup muri 2018
Calliopi , umutoza w’abanyezamu yiyibutsa uko yawucongaga
Mackenzie ari kugerageza kugaruka muri Rayon Sports
PHOTO:RENZAHO Christophe
Andi mafoto menshi yaranze iyi myitozo ni mu nkuru yacu itaha
