Ikipe ya Rayon Sports y’abagore ikomeje imyitozo ikomeye yitegura irushanwa ry’amakipe yabaye aya mbere iwayo muri aka Karere (CAF Women’s Champions League qualifiers) mu bagore rizabera muri Ethiopia mu kwezi kwa Kanama uyu mwaka.
Ni irushanwa rizahuza amakipe hashakwamo ikipe izitabira Champions League yo ku rwego rwa Afurika.
Rayon Sports WFC yatangiye kwitegura umwaka mushya w’imikino ku wa Gatanu, tariki 5 Nyakanga 2024 aho igomba no kuzahagararira u Rwanda mu mikino ya CAF Champions League izabera muri Ethiopia muri Kanama nyuma yo kwegukana igikombe cya Shampiyona mu cyiciro cya mbere mu bagore.
Mu bakinnyi bashya bari muri iyi kipe harimo n’umunyezamu w’ikipe y’igihugu, Ndakimana Angeline wavuye muri AS Kigali WFC agasinya imyaka 2 akinira Rayon Sports WFC. Rayon Sports WFC kandi izanongeramoa abandi bakinnyi b’abanyamahanga bakomoka muri Kenya na Uganda na Tanzania.
Basoje bamamaza Esperanza Motel iherereye ku Irebero ari n’umwe mu bafatanyabikorwa b’iyi kipe y’abagore
PHOTO:RENZAHO CHRISTOPHE
