Nyuma y’uko umukino wari guhuza Rayon Sports na AS Onze Créateurs usubitswe, ubuyobozi bwa Rayon Sports bwateguye umukino wa gicuti , abakinnyi bigabanyamo amakipe abiri, bakina uwa gicuti ariko ukaba wari umukino ukomeye ku mpande zombi.
Ku wa gatanu tariki 17 Werurwe 2017 nibwo hemejwe ko ikipe ya Rayon Sports ikomeje mu cyiciro cya nyuma gishyira amatsinda ya Total CAF Confederation Cup bitayisabye gutsinda ikipe ya AS Onze Créateurs mu mukino wo kwishyura, nyuma yaho FIFA ihagarikiye ishyirahamwe ry’umupira w’amaguru muri Mali, FEMAFOOT.
Kuri uyu wa gatandatu tariki 18 Werurwe 2017, umunsi wari kuberaho uyu mukino, nibwo Rayon Sports yakiniye uwa gicuti kuri Stade Amahoro yagombaga gukinirwaho uyu mukino. Kwinjira byari 500 FRW mu myanya isanzwe na 1000 FRW ahatwikiriye na 2000 FRW mu myanya y’icyubahiro.
Ahagana ku isaha ya saa kumi zibura iminota mike, nibwo amakipe yombi yari atangiye gukina. Ndayishimiye Eric Bakame niwe wari kapiteni w’ikipe imwe, indi ikaba yari iyobowe na Kwizera Pierrot. Umupira warimo ingufu nyinshi ku mpande zombi. Moussa Camara niwe watsinze igitego ku ikipe ye mu gice cya mbere, kiza kwishyura na Lomami Frank igice cya kabiri kijya kurangira, umukino urangira ari 1-1.
Rayon Sports A:
Bashunga Abouba (GK), Mutsinzi Ange Jimmy, Rwatubyaye Abdul, Munezero Fiston, Kwizera Pierrot, Niyonzima Olivier Sefu, Irambona Gisa Eric, Nova Bayama, Nsengiyumva Moustapha, Manishimwe Djabel na Moussa Camara
Rayon Sports B:
Ndayishimiye Eric Bakame (GK,C), Mugabo Gabriel, Manzi Thierry, Rwigema Yves, Ndacyayisenga Jean d’Amour Mayor, Mugisha Francois Master, Muhire Kevin, Nahimana Shassir, Savio Nshuti Dominique, Lomami Frank na Tidiane Kone.
Uyu mwana yari yaje kureba aho bakuru be bawuconga ngo mu gihe kitari icya kure azabe na we ari umukinnyi ukomeye nka bo
...nibo bakinnyi b’Amavubi b’ejo hazaza
Kwinjira, buri wese yishyuraga...Rwarutabura yari yashyize Vuvuzela ku ruhande ,... uyu munsi yishyuzaga
Gacinya Denis, Perezida wa Rayon Sports na we yishyuye
Abafana bari baje kureba uyu mukino udasanzwe umenyerewe
Mugheni Fabrice ufite ikibazo cy’imvune, yari yaje kureba uko bagenzi be bakina
Rwatubyaye yambara, yitegura kujya mu kibuga
Mbere y’umukino amakipe yombi yabanje kwishyushya
11 bari bagize ikipe ya Bakame
11 bari bagize ikipe yari iyobowe na Pierrot
Bakame na Pierrot nibo bari bayoboye amakipe yombi
Nubwo bakinaga bya gicuti ariko wari umukino w’ishiraniro
Kone ku mupira...
Rwatubyaye ahagarika Tidiane Kone
Uyu muzungu na we yanze gucikwa n’uyu mukino w’imbonekarimwe
Umuhanzi Djaba Star arabwira abo mu rugo uko umukino wifashe
Umufana uzwi ku izina rya ’Umuriro watse’ na we yari ahari
Nshimiyimana Maurice(wambaye ingofero y’umweru), usanzwe ari umutoza wungirije wa Rayon Sports areba uko ikipe ye iri kwitwara
Lomami Marcel we yari umutoza w’ikipe iyobowe na Bakame
Manzi Thierry ahanganye na Moussa Camara
Camara na Pierrot bishimira igitego
Shasir usanzwe afatanya na mugenzi we Pierrot, kuri iyi nshuro bari ku mpande zihanganye, bakanarwanira umupira mu kibuga hagati
Mutsinzi Ange ahanganye na Nshuti Dominique Savio
Sefu ahanganira umupira
Myugariro Rwatubyaye agerageza kuzibira Nahimana Shasir
Nubwo bakinaga bya gicuti, kugongana byo ntibyabura mu kibuga nk’iki kiba kirimo abakinnyi 22
Mutsinzi Ange ku mupira
Master wakiniraga ikipe yari iyobowe na Bakame
Muhire Kevin yari ahagaze neza mu kibuga hagati
Buri wese yaharaniraga ko ikipe ya itahukana intsinzi..Kevin ahanganye na Pierrot
Muhawenimana Claude, Perezida w’abafana ba Rayon Sports na we yanze gucikwa n’umukino nkuyu
..arihanagura icyuya mu karuhuko
Kwizera Pierrot abwira bagenzi be uko bari bwitware mu gice cya kabiri
Mu kiruhuko, Lomami Marcel atanga amabwiriza ku ikipe ye
Nsengiyumva Moustapha agerageza guca kuri Muhire Kevin
Masoudi Djuma, umutoza wa Rayon Sports yari mu myanya y’icyubahiro areba uko abakinnyi be bakina hagati yabo
Murenzi Aboudallah wahoze ayobora Akarere ka Nyanza na we yari ahari
Gacinya Dennis, Perezida wa Rayon Sports na we yari ahari
Manzi Thierry ku mupira
Nk’ibisanzwe , Moustapha yacaga ku ruha kandi yihuta...aha ahanganye na Manzi Thierry
Rutahizamu Kone ahanganye na Munezero Fiston
Lomami Frank watsinze igitego acisha umupira kuri Irambona Eric
Abafana bagereranyije bari bitabiriye uyu mukino
Abaturutse ku Kimironko mu Mujyi wa Kigali bari bazanye igitambaro kibaranga
Djabel ahanganye na Mugisha Francois (Master)
Nyezamu Bashunga Abouba atanga umupira Lomami Frank
Akoresheje telefone ye arafata amafoto y’uyu mukino ngo azabone uko awubarira abandi
PHOTO:RENZAHO CHRISTOPHE
dii
Andika ubutumwa uyu mukino wari indya nkurye ahubwo bajye bahora bakina gutya nibyiza. ikibazo uzi kipe zombi nta basimbura zigira ko mutabatubwiye?
######
nibyo
BIZIMANA ALBERT
icyo gikorwa ni kiza cyane nk’umufana wa rayon sport ndagishyigikiye , rayon will never wolk alone.