Ku isaha ya saa cyenda z’amanywa nibwo ikipe ya Onze Créateurs yo muri Mali yageze ku kibuga cy’indege i Kanombe. Ije mu mukino wo kwishyura igomba gukina na Rayon Sports mu mukino w’ijonjora rya kabiri ry’imikino rihuza amakipe yatwaye ibikombe by’ibihugu.
Ikipe ya Rayon Sports ihagarariye u Rwanda mu irushanwa rihuza amakipe yatwaye ibikombe by’ibihugu Africa Total CAF Confederation Cup . Mu mukino ubanza wakinywe tariki 11 Werurwe 2017, ubera i Bamako muri Mali, Onze Créateurs yari yatsinze Rayon Sports 1-0 cyatsinzwe na Boubacar Samassekou.
Umukino wo kwishyura uteganyijwe kubera kuri Stade Amahoro kuri uyu wa gatandatu itariki 18 Werurwe 2017 guhera i saa cyenda n’igice.
Bagera ku kibuga cy’indege i Kanombe
Umutoza wa Onze Createurs yatangaje ko babonye ko Rayon Sports ari ikipe ikomeye, yabahaye akazi gakomeye mu mukino ubanza, kubwibyo ngo ntibaje kujenjeka.
Bageze i Kigali imvura iri kugwa
Bapakira imizigo
Abayobozi bo muri FERWAFA nibo baje kwakira iyi kipe
Bavugana n’umutoza mbere gato y’uko ahaguruka ku kibuga cy’indege berekeza kuri Hotel
Imodoka yatwaye umutoza wa Onze Créateurs n’abandi bayobozi baje bayiherekeje
Muri Hill View Hotel iri mu Kiyovu cy’abakire niho iyi kipe icumbitse
Abayobozi bo muri FERWAFA baherekeje iyi kipe no kuri Hotel...aha barababaza niba bakiriwe neza
Babakirije umutobe
Boubacar Samassekou watsinze igitego mu mukino ubanza akaba ari na we kapiteni w’iyi kipe
