Gasogi United yasinyishije rutahizamu ’wa mbere’ i Burundi

Ikipe ya Gasogi United yamaze gusinyisha Iddy Museremu, rutahizamu wakiniraga Le Messager Ngozi ari na we watsinze ibitego byinshi uyu mwaka muri Shampiyona y’i Burundi, Primus Ligue 2019/2020.

Umuyobozi wa Gasogi United, Kakooza Nkuriza Charles, yari amaze iminsi avuga ko iyi kipe yiteguye kuzana rutahizamu ukomeye yise “Intare y’Akanwa Rwabwiga.”

Iddy Museremu niwe wabaye uwa mbere mu batsinze ibitego byinshi kuko yatsinze ibitego 19 akurikirwa na Jospin Nshimirimana wa Aigle Noire watsinze ibitego 18 naho Nihoreho Arsène wakiniraga Olympic Star aba uwa 3 atsinze ibitego 17.

Gasogi United yemeje ko Iddy Museremu yamaze gusinya

Iddy Museremu wamaze gusinyira Gasogi United

Ibitego bya Iddy Museremu mu mibare

Iddy Museremu ari mu bagize uruhare runini ngo Messager Ngozi yegukane igikombe cya Shampiyona kuko yayitsindiye ibitego 19 muri 51 yatsinze muri rusange. Messager Ngozi yegukanye igikombe ifite amanota 64 mu gihe Musongati FC ya kabiri yari ifite amanota 56, Aigle Noire iba iya 3 n’amanota 48.

Mu bitego 19 Iddy Museremu yinjije, yabitsinze amakipe 11 muri 15 akina icyiciro cya mbere muri Shampiyona y’u Burundi. Amakipe 4 niyo gusa atabashije kwinjiza igitego.

Amakipe yabashije gutsinda

1. Olympic Star : 3 ( Yayitsinze igitego 1 muri Phase aller, muri Phase retour ayitsinda 2)

2. Les Lierres : 3 ( Yayitsinze igitego 3 muri Phase aller, muri Phase retour ntiyabasha kuyitsinda igitego)

3. Vital ‘ô : 2 (Yayitsinze igitego 2 muri Phase aller, muri Phase retour ntiyabasha kuyitsinda)

4. Aigle Noir : 2(Yayitsinze igitego 1 muri Phase aller, muri Phase retour ayitsinda 1)

5. Rukinzo : 2 (Yayitsinze igitego 2 muri Phase aller, muri Phase retour ntiyabasha kuyitsinda)

6. Flambeau du Centre : 2 (Muri Phase aller ntiyabashije kuyitsinda, muri Phase retour ayitsinda 2)

7. Lydia Ludic : 1(Yayitsinze igitego 1 muri Phase aller)

8. Ngozi City : 1 (Yayitsinze igitego 1 muri Phase aller)

9. Bujumbura City : 1 (Yayitsinze igitego 1 muri Phase retour )

10. B.S. Dynamique: 1 (Yayitsinze igitego 1 muri Phase retour)

11. Inter Star : 1 (Yayitsinze igitego 1 muri Phase retour)

Amakipe atabashije kwinjiza igitego

1. Musongati FC (yabaye iya 2)
2. Bumamuru FC (yabaye iya 10)
3. Athletico Academy (yabaye iya 13)
4. Kayanza United (yabaye iya 12)

Uretse kuba ariwe wabaye uwa mbere mu gutsinda ibitego byinshi, Iddy Museremu yanakunze gutorwa nk’umukinnyi w’ukwezi muri Shampiyona y’u Burundi (Primus Player of the Month)

Museremu aje muri Gasogi asangamo abandi bakinnyi iyi kipe yaguze barimo Iradukunda Bertrand wavuye muri Mukura Victory Sports, Beya Beya Hervé wavuye muri AS Maniema, Nzitonda Eric wavuye muri Gicumbi FC, Bugingo Hakim wakinaga muri Rwamagana City FC, Nkunzimana Sadi wavuye muri Espoir FC, umunyezamu Mfashingabo Didier wa Etoile de l’Est, Umunye-Congo Bola Lobota Emmanuel na Mazimpaka André wakiniraga Rayon Sports.

IZINDI NKURU
Ibitekerezo(0)
Tanga Igitekerezo