Ikipe ya Rayon Sports yaraye yongeye gusezererwa muri CECAFA Kagame Cup igeze muri 1/4 kuko n’umwaka ushize ariho yari yaviriyemo isezerewe na Azam FC. Ubu yasezerewe na KCCA yo muri Uganda iyitsinze 2-1.
Ni umukino wabaye kuri uyu wa Kabiri tariki 16 Nyakanga 2019 kuri Stade ya Kigali i Nyamirambo guhera saa kumi n’ebyiri n’igice. Waje ukurikira uwo Azam FC yasezereyemo TP Mazembe iyitsinze 2-1.
Umutoza wayo, Mathurin Olivier Ovambe yagaruye ikipe yakinnye imikino ibiri ibanza muri iri rushanwa, mu gihe uwa KCCA, Mike Mutebi yakoze impinduka imwe mu bakinnyi baherukaga gutsinda Mukura Victory Sports mu matsinda, Jackson Nandu asimbura Sadat Anaku wari ufite amakarita abiri y’umuhondo.
Ku munota wa 33, nibwo KCCA yafunguye amazamu ku gitego cyatsinzwe na Mustapha Kizza ku mupira wahinduwe na Allan Okello nyuma y’uko kapiteni wa Rayon Sports, Eric Rutanga yari amaze kuwamburwa na Musa Ramathan.
Ku munota wa 49, Rugwiro Herve yishyuriye Rayon Sports ku gitego ku mupira yahawe na Commodore Olokwei awutsindisha umutwe.
Mu yindi minota, Kimenyi Yves yakomeje gukuramo ibiteo byabazwe harimi nkaho ku ishoti rikomeye ryatewe na Muzamiru Mutyaba ndetse n’undi mupira watewe na Allan Okello basigaranye nyuma yo kwinjirira mu ruhande rw’iburyo.
Ku munota wa 67, Muzamiru Mutyaba yahinduye umupira awuhereza neza Jackson Nunda awutsindisha umutwe.
Umwaka ushize, Rayon Sports nabwo yasezerewe muri 1/4 na Azam FC mu irushanwa ryaberaga muri Tanzania. Icyo gihe yayitsinze 4-2 byose byatsinzwe na Shaban Idd . Icyo gihe Rayon Sports yatsindiwe na Rwatubyaye Abdul ndetse na Manishimwe Djabel.
Muri 1/2, KCCA izahura n’iza kuva hagati ya Gor Mahia na Green Eagles.
11 Rayon SPorts yabanje mu kibuga : Kimenyi Yves, Iragire Saidi, Rugwiro Herve, Iradukunda Eric Radu, Rutanga Eric (c), Nshimiyimana Amran, Mugheni Kakule Fabrice, Comodore Olokwei, Ciza Hussein, Iranzi Jean Claude na Ulimwengu Jules
Mathurin Olivier Ovambe uri gutoza Rayon Sports
11 KCCA yabanje mu kibuga:Charles Lukwago (c), Mustapha Kizza, Peter Magambo, Kato Samuel, Musa Ramathan, Herbert Achai, Muzamiru Mutyaba, Gift Ali Abubakar, Jackson Nunda, Mike Mutyaba na Allan Okello
Umutoza wa KCCA yagaragaje urwego rwo hejuru cyane
Munyakazi Sadate uherutse gutorerwa kuyobora Rayon SPorts yari yumiwe uburyo ikipe ye iri kurushwa
Umutoza wa Rayon Sports na we yari yumiwe
Twagirayezu Thadee (hagati) Visi Perezida wa Rayon Sports
Umujyanama Mukuru wa Perezida wa Republika ushinzwe ibya Gisirikare n’Umutekano, Gen Kabarebe (ubanza i bumoso) ni umwe mu banyacyubahiro bakurikiye uyu mukino...hagati hari Habyarimana Matiku Marcel, Visi Perezida wa FERWAFA...i buryo hari Nicholas Musonyi ukuriye CECAFA
Herve Rugwiro yari yabashije kwishyurira Rayon Sports igitego ari nacyo cya mbere atsinze kuva yagera muri Rayon Sports
manuco
mbega inkuru iryoheye amatwi!!!!!
GACANGA mwarakoze kwishumbusha kugeza no kuri results