Ikipe ya APR FC yanganyije umukino ubanza wa CAF Champions League na Etoile Sportive du Sahel yo muri Tunisia, amakipe yombi anganya igitego 1-1.
Ni umukino wabereye kuri stade ya Kigali i Nyamirambo kuri uyu wa Gatandatu tariki 16 Ukwakira 2021. Ikipe ya Etoile du Sahel niyo yafunguye amazamu ku munota 3′ gitsinzwe na Taeb Meziani mbere y’uko Manishimwe Djabel nawe atsindira APR FC ku munota wa 32′ igice cya mbere kirangira amakipe yombi ari igitego 1-1.
Iminota 90 y’umukino yarangiye amakipe yombi anganyije igitego 1-1. Umukino wo kwishyura uteganyijwe kubera muri Tunisia ku wa 22 Ukwakira 2021.
