Minisiteri y’Ubuzima yatangaje ko kuri uyu Gatanu tariki 16 Ukwakira 2020, mu Rwanda umuntu wa 34 yahitanywe na COVID-19, haboneka abarwayi bashya 12, abantu 63 barayikira.
Uwa 34 yitabye Imana ku wa Gatanu tariki 16 Ukwakira 2020 akaba ari umugabo w’imyaka 39 y’amavuko nk’uko Minisiteri y’Ubuzima yabitangaje.
Abarwayi bashya 12 babonetse mu bipimo 3.450 bakaba barimo 3 babonetse i Kigali, naho abandi 9 babonetse i Karongi (abapimwe mu nkambi z’impunzi).
Kugeza kuri uyu wa Gatanu, mu Rwanda abamaze kwandura icyo cyorezo ni 4.965 muri bo abamaze gukira ni 4.664 naho abakivurwa ni 267.
Ijanisha ku bandura ubu rigeze kuri 0.3% mu gihe iry’abahitanwa n’iki cyorezo rigeze kuri 0.7%. Ijanisha ry’abakira rigeze kuri 94%.
