Minisiteri y’Ubuzima yatangaje ko kuri uyu wa Gatanu tariki 17 Nzeri 2020, mu Rwanda abantu babiri bishwe na COVID-19, bituma umubare w’abo imaze guhitana ugera kuri 25 kuva yagera mu Rwanda tariki 14 Werurwe 2020.
Abo babiri bishwe na COVID-19 ni Abanyarwanda bose bari batuye mu Mujyi wa Kigali, umwe w’imyaka 80 n’undi w’imyaka 29 y’amavuko. Uw’imyaka 29 niwe ukiri muto imaze guhitana mu Rwanda. Ku wa Kane undi mugabo w’imyaka 48 y’amavuko na we yitabye Imana ari i Kigali.
Kuri Gatanu habonetse abantu 18 bashya banduye icyorezo cya COVID-19, mu gihe abandi 28 bakize. Abarwayi bashya babonetse Kigali:9 (bapimwe mu bibasiwe kurusha abandi/testing in high risk groups), Nyamagabe:4, Rubavu:4, Bugesera:1
Kugeza kuri uyu wa Gatanu mu Rwanda abamaze kwandura icyo cyorezo ni 4.671 muri bo abamaze gukira ni 20845 naho abakivurwa ni 1.801.
Minisiteri y’Ubuzima itangaza ko ijanisha ku bashya bandura COVID-19 riri kuri 0.5% naho abahitanwa nayo rikaba kuri 1.2%. Ijanisha ry’abakira ryo riri kuri 61%.
Minisiteri y’Ubuzima isaba Abaturarwanda bose gukomeza kwitwararika bubahiriza amabwiriza yo kwirinda ikwirakwira ry’icyorezo cya COVID-19.
