Imibare ya Minisiteri y’Ubuzima yo kuri uyu wa gatanu tariki ya 3 Mata 2020, iragaragaza ko abantu 5 bashya bagaragaye ko banduye Coronavirus, bituma umubare w’abanduye ugera kuri 89.
Abo banduye bose ni abahuye n’abanduye Coronavirus mu Rwanda. Minisiteri y’Ubuzima ivuga ko abo bose bahise bashyirwa mu kato ndetse hakaba hakomeje gushakishwa n’abandi bose bahuye nabo.
Ibimenyetso by’iyi ndwara ni inkorora, guhumeka nabi n’umuriro.
Muri Afurika iyi ndwara imaze kwandura abarenga 7.000. Aho Covid-19 itaraboneka muri Afurika ni muri Lesotho, Sudani y’Epfo, ibirwa bya Comores n’ibirwa bya Sao Tome na Principe.
Kugeza ubu abamaze kwandura iki cyorezo ku isi yose bamaze kurenga Miliyoni.
