Imibare ya Minisiteri y’Ubuzima yo kuri uyu wa gatandatu tariki ya 29 Werurwe 2020, iragaragaza ko abantu 10 bagaragaye ko banduye Coronavirus, bituma imibare y’abanduye igera kuri 70.
Muri abo batandatu harimo abantu 6 baje bavuye i Dubai bahita bashyirwa mu kato, umuntu umwe waje aturutse muri Amerika ahita ashyirwa mu kato n’undi muntu umwe watahuwe ko yahuye n’urwaye Coronavirus mu Rwanda, ahita ashyirwa mu kato.
Ibimenyetso by’iyi ndwara ni inkorora, guhumeka nabi n’umuriro.
BBC itangaza ko muri aka karere kugeza mu gitondo cyo kuri iki cyumweru, u Rwanda ni urwa kabiri mu kugira umubare w’abanduye benshi.
Rukurikiye Repubulika ya Demokarasi ya Kongo ifite abanduye 65, Kenya ifite 38, Uganda 30 na Tanzania ifite abanduye 14.
U Burundi ni bwo butaratangazwamo uwanduye coronavirus.
Iyi mibare ya Kaminuza ya Johns Hopkins yo muri Amerika igaragaza kandi ko kugeza muri iki gitondo cyo ku cyumweru, muri Afurika hari abanduye 4,229, ikaba imaze kwica 134 naho 254 bamaze kuyikira.
Ku isi abarenga 670,000 ni bo bamaze kwandura iyi ndwara ya Covid-19 yo mu myanya y’ubuhumekero iterwa na coronavirus, abarenga 31,000 imaze kubica, naho abarenga 145,000 bamaze kuyikira.
Harera imana kolode
Njewe ndasengera isi yose kubera coronavirus yatewe nabashinywa