CAF Confederation Cup:Rayon Sports yamenye ikipe bizahura mu kindi cyiciro

Kuri uyu wa kabiri tariki 21 Werurwe 2017 nibwo habaye tombola y’uburyo amakipe azahura muri 1/16 cy’irushanwa ry’amakipe yatwaye ibikombe iwayo, CAF Total Confederation Cup. Rayon Sports ihagarariye u Rwanda yatomboye Rivers United yo muri Nigeria.

Ni muri tombola yabereye i Cairo mu Misiri ku cyicaro gikuru cy’impuzamashyirahamwe y’umupira w’amaguru muri Afurika (CAF). Tombola yatangiye ku isaha ya saa tanu z’amanywa ku isaha y’i Kigali. Amakipe yabonye itike muri CAF Total Confederation yatomboye amakipe yatsindiwe muri CAF Champions League.

Uku niko amakipe yatombolanye

Muri CAF Champions League, Rivers United yakuwemo na Al-Merrikh yo muri Sudan. Umukino ubanza yatsinze Al-Merrikh ibitego 3-0, mu wo kwishyura Rivers itsindwa 4-0 ihita isezererwa.

Umukino ubanza uzabera muri Nigeria, uwo kwishyura ubere i Kigali. Imikino ibanza y’icyi cyciro kibanziriza amatsinda, izakinwa hagati ya tariki ya 7 na 9 mu gihe iyo kwishyura iteganyijwe hagati ya 14 na 16 Mata 2017.

IZINDI NKURU
Ibitekerezo(1)
Tanga Igitekerezo